Tokante Nos
Ken nos ta?
Tokante nos fundashon
Fundashon pa Konsumidó ta un organisashon independiente ku a wòrdu lantá na òktober 1975 dor di algun siudadano preokupá ku a sinti e nesesidat pa lanta un organisashon ku ta sali na interes i vanguardia di nos konsumidónan.
Komo organisashon independiente i sin meta pa hasi ganashi, Fundashon pa Konsumidó no ta mará na ningun ideologia polítiko òf interesnan komersial.
Nos meta ta un posishon independiente di e konsumidó, tantu ekonómiko, hurídiko komo sosial.
E punto sentral pa Fundashon pa Konsumidó ta “eskoho di e konsumidó”. Pa e konsumidó por hasi esaki e mester ta bon informá, bon eduká, sa kiko ta su deber- i derechinan i sa kiko ta e pasonan ku e por tuma pa duna balor na su derechinan komo konsumidó. Un konsumidó, independiente, konsiente di su poder i posishon!
For di aña 1984 Fundashon pa Konsumidó ta miembro di Consumers’ International, e organisashon madre di tur organisashon pa konsumidó na mundu.
Organisashon
Fundashon pa Konsumidó ta un organisashon ku un ofisina profeshonalisá ku ta operá pa kumpli ku tur su metanan. Pa ehersé su tareanan Fundashon pa Konsumidó tin diferente funshonario ku ta fungi den diferente funshon. Riba e página aki por mira e organogram di Fundashon pa Konsumidó ku ta mustra e struktura di e organisashonnan i e diferente funshonnan ku tin.
Informe anual fundashon pa konsumidó
Tur aña Fundashon pa Konsumidó ta responsabilisá su entrada di supsidio di gobièrnu pa medio su Informe i Sifranan Anual. Den e rapòrtnan aki Fundashon pa Konsumidó ta deskribí aktividatnan ku nos fundashon a desplegá den transkurso di kada aña i e medionan finansiero ku a keda uzá pa hasi esaki. A base di un petishon di supsidio anual na Ministerio di Desaroyo Ekonómiko, trahá konforme un Programa di Eksihensia di gobièrnu, Fundashon pa Konsumidó komo organisashon outónomo ta kumpli ku su metanan pa salbaguardiá derechinan i empoderá konsumidónan di Kòrsou. Tur esaki konforme Ordenansa di Lei di Supsidio di 2007, Subsidieverordening Curaçao 2007 (A.B. 2007 no. 104).
Bo ke yuda nos fundashon?
donashon
Fundashon pa Konsumidó ta un organisashon independiente ku ta traha na vanguardia di konsumidónan na Kòrsou. Komo un organisashon ku no ta mará na hasi ganashi, ni ideologianan polítiko òf interesnan komersial, Fundashon pa Konsumidó por hasi bon uso di donashon di abo konsumidó pa realisá proyektonan na benefisio di konsumidonan.
Gastu di programa
Tur loke Fundashon pa Konsumidó risibí via di spònser lo wòrdu usá pa kubri gastunan di proyektonan na bienestar di konsumidónan.
Tuma kontakto pa nos kursonan
Tuma kontakto ku nos pa asina keda debidamente informa pa nos kursonan binidero.