Fundashon pa Konsumidó konstantemente ta wòrdu aserka dor di konsumidónan na momento ku nan “cadeaubon” kaduká. Hopi bia konsumidó ta pidi konseho pa sa kiko e derecho ta òf kon tin ku hèndel, komo ku tin e pensamentu ku e negoshante a risibí e sèn, pues e “cadeaubon” mester keda bálido.
Segun buki 6 di Kódigo sivil di Kòrsou den Artíkulo 236 tin un kombenio stipulá ku un ‘Cadeaubon’ no por tin un periodo di vensementu di ménos ku 1 aña. Na momento ku un komersiante hasi e periodo di vensementu di un ‘cadeaubon” na ménos ku 1 aña, esaki segun e término legal ta onredelijk bezwarend. Esaki ta nifiká ku un ‘cadeaubon’ku tin un balides di ménos ku 1 aña no ta hustu pa e konsumidó.
Fundashon pa Konsumidó ta rekomendá tur konsumidó pa hasi informashon promé ku bo kumpra un “cadeaubon” i alabes ta hasi un yamada na tur komersiante pa tene bon kuenta ku e periodo di vensementu riba e ‘cadeaubon’. E periodo NO por ta ménos ku 1 aña.
Pa mas infromashon por tuma kontakto ku Fundashon pa Konsumidó na +5999462 6666 òf via di e-mail info@fundashonpakonsumido.cw
