Informashon pa konsumidó
Bo derechi i debernan
Un konsumidó konsiente no solamente sa su derechinan pero tambe e mes ta kompará, reklamá, investigá i ninga di kumpra ora e ta sinti perhudiká. Abo konsumidó mester realisá bo mes ku abo tin poder. Hasta den un merkado di tiki suministro, konsumidónan uni por forsa e komersiante na kambio si abo sa bo derechinan, ehersé nan i no kumpra si e ta wòrdu perhudiká.
Leinan pa konsumidó
Den e sekshon aki Fundashon pa Konsumidó ta presentá leinan nobo i aktual ku ta na bienestar di e konsumidó. Ta trata aki di leinan ku ta rigi topikonan ku na interes di e konsumidó en partikular i komunidat en general.
Tepnan balioso
Ta tep pa spar awa of koriente bo ta buska? bo kier saka miho probecho ora di hasi kompra den supermerkado of pakus? Fundashon pa Konsumidó ta pone tur esakinan pa abo riba un rei.
Tambe nos tin tep kon pa hasi un fiansa konsiente i kon pa baha bo gastunan mensual. Buska loke bo mester of pasa den nan tur. Un bon tep semper ta na su lugá!
Korda ku Un konsumidó sabí ta skohe di forma konsiente..!
Areglo makutu básiko
Esaki ta e akuerdo den kual ta stipulá produktonan ku ta kai bou di Makutu Basiko i e margen di ganashi máksimo ku gobiernu ta stipulá pa esakinan.
Konsumidó alertá
Fundashon pa Konsumidó ta mira preparashon komo un hèrmènt klave pa sobrebibí desaster. Mihó prepará bo ta, mas mihó bo por aktua na momentu ku kalamidat presentá i mas sigur bo por sinti bo i mas chèns bo tin di rekuperá.
Bo tin pregunta of ke sigui nos kursonan?
Pa mas pregunta i informashon, por tuma kontakto ku nos via number di telefon of via email.