Na momentu ku un konsumidó tin un keho tokante algu ku el a kumpra, nos ta duna konseho i yudansa hurídiko i sali na defensa di un konsumidó individual i tambe un grupo di konsumidó. Ora abo, e  konsumidó tin un reklamo tokante un produkto òf servisio i bo no ta keda kla ku e komersiante, bo por aserká nos fundashon pa konseho i intermediashon. Nos ta purba tantu posibel, pa siña e konsumidó mes kon e tin di hèndel e problema i dun’é e hèrmèntnan nesesario pa e mes por defendé su kaso. Si esaki no yuda, Fundashon di Konsumidó ta trata e kaso i purba na yega na un solushon ku e komersiante.