Dia 15 di mart 2025 ta dia internashonal di derecho di e konsumidó. Fundashon pa Konsumidó komo miembro di Consumers international tambe lo selebrá e dia aki huntu ku otro organisashonnan rònt mundu ku ta bringa pa e derecho di e konsumidó. E tema pa e aña aki ta “Un kambio pa un estilo di bida sostenibel”.
E kalor rèkert di e último dékada, wer ekstremo, pèrdida di biodiversidat i polushon ta formando un menasa kresiente pa salú planetario i humano.
Pa bienestar di nos planeta i e ser humano nos tur lo mester hasi kambionan fundamental na nos manera di biba, pensa i hasi kompra. Ta esensial pa konsumidónan hasi eskohonan sostenibel i saludabel i tambe ta importante pa esaki ta disponibel, aksesibel i pagabel.
E meta di Consumers International, Fundashon pa Konsumidó i tur otro organisashonnan mundial ku ta para pa e derecho di e konsumidó ta pa asina konsientisá tur konsumidó kon pa hasi “Un kambio pa un estilo di bida mas sostenibel”.
Pa nos logra esaki Fundashon pa Konsumidó a disidí na kuminsá ku un “serie” ku yama Konosementu ta poder.
Konosementu ta poder
Durante di e luna di aprel te ku jüli nos lo bai tin un serie di video kòrtiku kaminda diferente profeshonal lo bai toka diferente tópiko kaminda nos ta eduká, informá i konsientisá e konsumidó kon pa hasi eskohonan mas sostenibel di moda ku nos tur porkontribuí na e salu planetario i humano.
Nos lo toka tópikonan manera:
1. E importansia di resiklá redusí i reusá.
Pues keda pendiente pa risibí hopi informashon balioso di kon pa hasi kambionan fundamental den nos estilo di bida i asina duna un aporte na nos salu planetario i humano. Pa mas informashon por tuma kontakto ku Fundashon pa Konsumidó na
+5999462-6666 òf por manda un un e-mail na info@fundashonpakonsumido.cw
